Ertis ózeninde sáýirdiń ortasynda seń júre bastaıdy
ASTANA. QazAqparat - Ertis ózeninde 11-16 sáýir kúnderi seń júre bastaıdy, dep habarlaıdy pavlodarnews.kz.
Pavlodar oblystyq TJD-niń málimetinshe, jaǵdaı jergilikti qutqarýshylardyń jiti baqylaýynda. «Ár saǵat saıyn muzdyń deńgeıine monıtorıng jasalady. Búgingi tańda onyń qalyńdyǵy keı jerlerde jarty metr bolsa, keı tustarda 400 santımetrdi quraıdy,- deıdi mamandar. Sınoptıkterdiń boljamynsha, 11-16 sáýir kúnderi muz qozǵala bastaıdy.
Aıta keteıik, Pavlodarda «Zaton» aýmaǵynda muz qalyńdyǵy 482 santımetrge jetse, Ertis aýdanynda nebári 208 santımetrdi quraǵan. Degenmen, ár aýmaqtyń ózindik shekti deńgeıi bolady. Máselen, «Zaton» aýmaǵynda sý deńgeıi 800 santımetrge jetkende qaýipsizdiktiń qyzyl deńgeıi jarııalanady. Orta eseppen alǵanda, kún saıyn sý deńgeıi 10 santımetrge kóteriledi.
