Ertis ózeninde balyq qyryldy – ShQO
ÓSKEMEN. QazAqparat – Shyǵys Qazaqstan oblysyndaǵy Ertis ózeninde balyq qyryldy, dep habarlaıdy QazAqparat tilshisi.
Zaısan-Ertis oblysaralyq basseındik balyq sharýashylyǵy ınspektsııasyna 9 sáýirde Ertis ózeninde balyqtardyń qyrylǵandyǵy týraly aqparat kelip túsken.
Sol kúni ınspektsııa mamandary bekitilgen talapqa sáıkes, Shyǵys Qazaqstan oblysy boıynsha Ekologııa departamentimen, Tabıǵı resýrstar jáne tabıǵatty paıdalanýdy retteý basqarmasymen jáne Orman jáne ańshylyq sharýashylyǵynyń jedel áreket etý bólimimen birlesip, sý qoımasyna zertteý júrgizdi.
«Qyrylǵan móńke balyǵynyń jalpy salmaǵy – 30 keli. Qazirgi ýaqytta balyq ólekseleri tolyqtaı joıyldy. Sonymen qatar zertteý jumystaryn júrgizý úshin sýdyń jáne balyqtyń synamalary alyndy», - delingen ınspektsııa ókilderi taratqan habarlamada.
Balyqtyń ne sebepti qyrylǵany zertteý nátıjesinen keıin belgili bolmaq.
