Ertis ózeninde 33 jastaǵy balyqshy muz astyna túsip ketti
ASTANA. QazAqparat - Ertis ózeninde balyq aýlap otyrǵan 33 jastaǵy er adam qutqaryldy. Bul týraly oblystyq TJD tótenshe jaǵdaılardyń aldyn alý departamenti bóliminiń bastyǵy Sergeı Sytnık aıtty, dep habarlaıdy pavlodarnews.kz.
- Patrýl júrgizý kezinde saǵat 15.20-da jedel qutqarý jasaǵynyń úsh qyzmetkeri muzdyń astyna túsip ketken er adamdy jaǵaǵa alyp shyqty. Qutqarýshylar onyń kómek surap aıqaılaǵan daýysyn estigen. Balyqshy medıtsınalyq kómekten bas tartty. Budan basqa, 4 sáýir kúni 78 jastaǵy turǵyn ajal aýzynan aman qaldy, - deıdi Sergeı Sytnık.
Oblystyq TJD baspasóz qyzmetiniń hatshysy Gaýhar Syzdyqovanyń aıtýynsha, jyl basynan beri muzdyń ústinen 24 adam qutqarylǵan. Onyń 19-y - bala.
"Táýlik boıy tótenshelikter jergilikti polıtsııa qyzmetimen birge reıd uıymdastyryp, balyqshylardyń arasynda muzdaǵy qaýipsizdik boıynsha túsindirý jumystaryn júrgizedi. Ásirese, demalys jáne mereke kúnderi olardyń sany eki esege artady", - dedi baspasóz qyzmetinde.
Illıýstratsııalyq foto
