Ertis ormanynda 100 gektar aýmaqty sharpyǵan órt sóndirildi
PAVLODAR. QazAqparat - Pavlodar oblysynda orman órti sóndirildi, dep habarlaıdy QazAqparat Ravlodarnews.kz resýrsyna silteme jasap.
Oblystyq tótenshe jaǵdaılar departamentiniń habarlaýynsha, ottyń tutanýyna ormanǵa jaı túsýi sebep bolǵan.
«Órt Sharbaqty aýdanynyń Galkın aýyldyq okrýginde, Qulat aýylynan 10 shaqyrym jerde bastaldy. «Ertis ormany» tabıǵı rezervatynyń aýmaǵynda qurǵaq shóp, qaraǵaı men qaraǵash janǵan. Órt búgin saǵat 10.55 kezinde tolyq sóndirildi. Tilsiz jaýmen kúreske 50 adam, 20-dan astam tehnıka, sonyń ishinde Mı-2 tikushaǵy jumyldyryldy» delingen habarlamada.
Órt aýmaǵy - 100 gektarǵa jýyqtaıdy. Oqıǵadan eshkim zardap shekken joq.
Eske sala keteıik, keshe Pavlodar oblysyndaǵy «Ertis ormany» tabıǵı rezervatynda orman órtenip jatqanyn habarlaǵan bolatynbyz.
