«Ertis ormanynan» aǵashtyń barlyq túrin kesýge 3 jylǵa tyıym salyndy
Bul týraly Ortalyq kommýnıkatsııalar qyzmetindegi brıfıngte QR Aýyl sharýashylyǵy mınıstrliginiń Orman sharýashylyǵy jáne janýarlar álemi komıteti tóraǵasynyń orynbasary Qaırat Óstemirov málim etti, dep habarlaıdy QazAqparat.
«Respýblıka boıynsha zańsyz otalǵan 19 myń aǵashtyń 16 myńy «Ertis ormany» rezervatyna tıesili. Biraq, bul bir jyldyń ishinde zańsyz kesilgen aǵash emes. Bul - sońǵy 3-4 jyl boıǵy jasyryn kesilgen aǵashtardyń sany», - dedi ol BAQ ókilderiniń saýalyna oraı.
Onyń aıýynsha, «Ertis ormany» rezervatynan jyldar boıy aǵashtardyń zańsyz kesilip kelgeni QR AShM Orman sharýashylyǵy komıteti men prokýratýra organdary birlesip júrgizgen tekserý barysynda anyqtalǵan.
«Qylmystyq is te qozǵaldy. Rezervat dırektory, ormanshy jáne basqa da mamandar qyzmetterinen qýyldy. Degenmen, jyl basynan bastap biz «Ertis ormanynan» aǵashtyń barlyq túrin kesýge shekteý qoıdy. Jumys sońyna deıin aıaqtalmady, tergeý júrgizilýde», - dedi Óstemirov.