«Ertis ormany» tabıǵı rezervatynyń qyzmetkeri zańsyz ań atqany úshin ustaldy

ASTANA. QazAqparat - Pavlodar oblysyndaǵy tabıǵı rezervat aýmaǵynda zańsyz bulan men elik atyp alǵan 4 adam ustaldy, dep habarlaıdy QR AShM baspasóz qyzmeti.

«1 jeltoqsanda shamamen túngi saǵat 02:00-de «Ertis ormany» memlekettík orman tabıǵı rezervatynyń» ınspektorlary Pavlodar oblysy Lebıaji aýdandyq ІІO-nyń qyzmetkerlerimen birlese otyryp rezervatqa qarasty Besqaraǵaı fılıalynyń Baıymbet ormanshylyǵy aýmaǵynda «Nıssan Patrol» avtokóligimen zańsyz ań aýlaǵan 4 adamdy ustady. Olardyń ishinde «Ertis ormany» MOTR Tabıǵı keshender men obektilerdi qorǵaý bóliminiń basshysy boldy», delingen habarlamada.

Avtokólikti tekserý barysynda osy ormanshylyq aýmaǵynan zańsyz atylǵan 1 bulan men 1 elik tabyldy.

Ustalǵandar Pavlodar oblysy Lebıaji aýdandyq ІІB-ne jetkizildi. Qazirgi ýaqytta aýdandyq polıtsııa qyzmetkerleri osy oqıǵaǵa qatysty sotqa deıingi tergeý is-sharalaryn júrgizýde.