«Ertis ormany» rezervatyndaǵy órt aýyzdyqtaldy
NUR-SULTAN. QazAqparat - Pavlodar oblysy aýmaǵyndaǵy «Ertis ormany» rezervatyndaǵy órt aýyzdyqtaldy. Bul jaıynda TJM resmı ókili Talǵat Ýálı málim etti, dep habarlaıdy QazAqparat tilshisi.
«19 sáýir kúni saǵat 8-30-da Pavlodar oblysy «Ertis ormany» rezervatyndaǵy órt sóndirildi. Іshki janý men qatty jelge baılanysty ot úsh baǵytta taraldy. Eki baǵyt boıynsha qaraýyldaý, úshinshi baǵytta sóndirý jumystary júrgizildi. Órttiń aýdany shamamen 1000 gektardy qurady. Onyń ishinde ormandy alqap - 300 gektar. Órtti sóndirýge 50 tehnıka jáne 206 adam jumyldyryldy»,- dedi ol.
Buǵan deıin Pavlodar oblysy Sharbaqty aýdanynda ornalasqan «Ertis ormany» rezervatyndaǵy órt 1000 gektar aýmaqty sharpyp úlgergenin, oqıǵa ornynda 45 tehnıka jáne TJD jeke quramynyń 183 órt sóndirýshisi jumys istep jatqanyn habarlaǵan edik.
