«Ertis ormany» rezervatyndaǵy órt 1000 gektar aýmaqty sharpyp úlgerdi
PAVLODAR. QazAqparat – Pavlodar oblysy Sharbaqty aýdanynda ornalasqan «Ertis ormany» rezervatyndaǵy órt 1000 gektar aýmaqty sharpyp úlgerdi. Oqıǵa ornynda 45 tehnıka jáne TJD jeke quramynyń 183 órt sóndirýshisi jumys istep jatyr, dep habarlaıdy oblystyq TJD baspasóz qyzmeti.
«23:30-daǵy jaǵdaı boıynsha joldanǵan aqparatqa saı, órt Sharbaqty aýdany Galkınsk aýyldyq okrýgindegi dala orman sharýashylyǵynyń № 46, 47, 48, 49, 64-73 kvartalynda bolyp jatyr. Ormandy alqapta qurǵaq shóp jáne aǵashtar (qaraǵaı) órtenýde. Jalyn sharpyǵan aýmaq 1000 gektarǵa jetti. Oqıǵa ornynda 45 tehnıka jáne TJD jeke quramynyń 183 órt sóndirýshisi jumys istep jatyr. Japa shekkender joq» dep habarlady Pavlodar oblysy boıynsha TJD bastyǵy, azamattyq qorǵanys polkovnıgi Ernur Ótegenov.
Aıta keteıik, buǵan deıin «Ertis ormany» rezervatynda órt bolyp jatqanyn, onda 130 órt sóndirýshi tilsiz jaýmen arpalysyp jatqanyn jazǵan edik.
