Ertis óńiriniń jazǵy lagerlerine Arystan 170 bala keldi
Oblys ákimi Bolat Baqaýovtyń usynysy boıynsha Arys qalasynyń áskerı bóliminde snarıadtardyń jarylýy saldarynan zardap shekken balalar jergilikti jazǵy lagerlerge shaqyrylǵan. Birinshi toppen 130 bala Pavlodarǵa ushaqpen 27 maýsymda, ekinshi top 11 shildede poıyzben keldi. Oblys ákiminiń orynbasary Ashat Oralov pen bilim basqarmasynyń basshysy Dinıslam Bolathanuly demalýǵa kelgen balalardy perronda qarsy aldy.
«Oblys ákimi ýáde bergendeı, biz 300 balany qabyldadyq. 100 bala Aqsý qalasynda «Qazhrom» TUK AQ «Ferrosplavşık» ortalyǵyna, qalǵan 70 bala Sharbaqty aýdanynyń «Chaıka» saýyqtyrý lagerinde demalady»,- dedi Ashat Oralov.
Aımaq basshysynyń shaqyrýymen buǵan deıin Arys qalasynan kelgen 130 bala qazirgi tańda Baıanaýyl aýdanynda demalýda.
«Olar tek demalyp qana qoımaı, bizdiń óńirdiń tarıhymen jáne tabıǵatymen tanysady. Ekinshi top úshin Baıanaýylǵa ekskýrsııa uıymdastyrady»,- dep atap ótti oblys ákiminiń orynbasary. Dinıslam Bolathanulynyń aıtýynsha, lagerdegi jazǵy maýsym 15 kúnge sozylady, biraq balalardyń qalaýy boıynsha bir aıǵa deıin uzartylýy múmkin.
Bilim basqarmasynyń derekteri boıynsha, balalardyń turýy bıýdjettik jáne bıýdjetten tys qarajat esebinen qamtamasyz etildi. Arystan balalarmen birge toǵyz adam keldi: muǵalimder, áleýmettanýshylar jáne tárbıeshiler.
Saýyqtyrý lagerlerinde demalýdan basqa, balalarǵa Pavlodardyń murajaılary men mádenı-demalys oryndaryn kórsetý josparlanyp otyr.
«Bizdi Kókshetaýǵa, Óskemenge shaqyrdy, biraq biz Pavlodardy tańdadyq», - deıdi Arys qalasynyń tárbıeshisi Saltanat Orynbasarova. «Úılerdi qalypqa keltirgenge deıin eki apta boıy demalýǵa kelgenime óte qýanyshtymyn. Bul ýaqytty kóńildi jáne paıdaly ótkizetinimizge senimdimin. Meniń úsh balam bar, olardyń ekeýi menimen keldi. Bul oblysqa alǵash ret kelip otyrmyz. Bizde óte ystyq, al munda salqyn bolsa da, aýa raıy óte jaqsy».