Ertis óńiriniń tas joldarynda qalǵan 80 adam qutqaryldy
PAVLODAR. QazAqparat - Qaraǵandy - Semeı baǵytynda jolǵa shyqqan avtobýstyń 24 jolaýshysy Ekibastuz qalasynyń № 7 orta mektebine jetkizildi, dep habarlaıdy pavlodarnews.kz.
Oblystyq TJD baspasóz qyzmetiniń málimetinshe, 24 jeltoqsan kúni túngi saǵat 23.00-de jolaýshylar kóligi qatty aıazǵa jáne oblystyq, respýblıkalyq mańyzy bar joldardyń jabylýyna baılanysty toqtatyldy.
Sondaı-aq, búgin túnde saǵat 01.50-de Novosibir - Tájikstan baǵytynda jolǵa shyqqan kólikten 56 adam Ýspen agrarlyq-tehnıkalyq kolledjiniń jylytý pýnktine ornalastyryldy. «Onyń bireýi - bala. Eki jaǵdaıda da eshqaısysyna medıtsınalyq kómek qajet bolmady. Setra jáne Yutong markaly avtobýstardan 80 qutqaryldy», - deıdi departamentte.
Eske sala keteıik, keshe saǵat keshki besten keıin barlyq baǵyt boıynsha jolaýshylar tasymaldaıtyn jáne dızel otynymen júretin avtokólikter úshin shekteý qoıylǵan bolatyn.
