Ertis óńiriniń kıeli jerleri shyǵystyń jýrnalısterin kútedi
«25-31 mamyr aralyǵynda oblystyq ishki saıasat basqarmasynyń bastamasymen elimizdiń shyǵys óńiriniń kıeli jerlerine baspasóz týry uıymdastyrylǵan bolatyn», - deıdi vedomstvonyń bas mamany Shynbolat Tashekov. - Mundaǵy basty maqsat - kórshiles aımaqtyń týrıstik áleýetimen tanysý ári kıeli oryndardy nasıhattaý. Barlyǵy 12 adam jolǵa shyqty. Olardyń ishinde jýrnalıster men blogerler bar. Bes kúnniń ishinde Abaı, Ulan jáne Katonqaraǵaı aýdandaryndaǵy birqatar nysandarmen tanystyq: «Jıdebaı-Bórili» memlekettik qoryq-mýzeıi, Qońyr áýlıe úńgiri, Abylaıkıt ǵıbadathanalyq kesheni, Berel qorǵany, Rahman qaınary. Aýa raıyna baılanysty Muztaýǵa jete almadyq».
Bas mamannyń aıtýynsha, elimizdiń shyǵys óńirine jasalǵan sapardyń nátıjesinde belgili bloger ıAkov Fedorov sol aımaqtyń kıeli oryndary týraly tórt fılm túsiredi. Kórshi aımaqtyń ishki saıasat basqarmasyna «Rýhanı jańǵyrý» baǵdarlamasy sheńberinde uıymdastyrylǵan «Shyǵys Qazaqstannyń kıeli jerlerine aqparattyq baspasóz týry» jobasyn qoldaý týraly oı tastalǵan. Sonymen qatar, Ertis óńiriniń kıeli oryndary týraly málimet berilgen. Onyń ishinde oblystaǵy qasıetti jerlerdiń tizimine kirgen Saq qorǵany, Toraıǵyrdyń tas mazary, Baıanaýyldaǵy Kempirtas, qasıetti bulaqtar, Maıqaıyńnan tabylǵan «Aqbıdaıyq» petroglıfteri, Máshhúr-Júsip Kópeev jáne Haziret Isabek Ishan keseneleri, Jaıaý Musanyń mazary jáne taǵy basqa tarıhı, mádenı jáne rýhanı oryndar bar.
