Ertis óńiriniń basty telearnasyna - 55 jyl
Pavlodar oblystyq telearnasynyń damý tarıhyna kóz júgirte otyryp, telearnaǵa jetekshilik etken belgili medıa maman Baýyrjan Aıtqazınniń kezindegi aýqymdy ózgerister men telearnanyń shyǵarmashylyq jáne tehnıkalyq jaǵynan eń tabysty damý kezeńin erekshe atap ótýge bolady. Baýyrjan Aıtqazın eńbek jolyn telejúrgizýshilikten bastap, Qazaqstan Respýblıkasy Prezıdenti Teleradıokesheniniń Bas dırektoryna deıingi úlken kásibı mektepten ótken.
Qazaqstanǵa tanymal medıa-menedjer Pavlodar oblystyq telearnasyn óńirlik arnalar arasynda jetekshi orynǵa shyǵarý, sondaı-aq búginde búkil Qazaqstan boıynsha tabysty jumys isteıtin jas jýrnalıster tobyn tárbıeleý úshin óziniń bar bilimi men tájirıbesin jumsady.
Onyń bastamasymen oblystyq arnanyń jańalyqtary men baǵdarlamalar óndirisi zamanaýı formatqa aýysyp, telearna básekege qabiletti shyǵarmashylyq ujymǵa aınaldy. Jańalyqtar qyzmeti kúnine 6 ret tikeleı efırge shyǵyp turdy.
Telearnaǵa kóptegen jas ári bilikti mamandar keldi. Ashyq jáne básekeli kastıng nátıjesinde Marına Saharova, Erhan Tatken, Darııa Jumabekova, Aleksandr Smırnov, Veronıka Vıshnevskaıa, Móldir Jumadilova, Móldir Qazymbet, Aızat Qojabaeva sııaqty ekran juldyzdary kórermenderdiń súıikti telejúrgizishilerine aınaldy.
Telearnada biliktilikti arttyrý boıynsha júıeli jumys jolǵa qoıyldy. Qyzmetkerler basqa qalalarǵa taǵylymdamaǵa jiberildi. Sondaı-aq, munda otandyq televızııa metrleri Beısen Quranbek, Nurtóre Júsip, Nurtileý Imanǵalıuly jáne t.b Pavlodarǵa arnaıy kelip, jas mamandarǵa jıi semınarlar ótkizip, tájirıbelerimen almasyp turdy.
Taǵy bir shyǵarmashylyq kezeńdegi jetistikterdiń biri–eki tildi júrgizýshilerdiń efırge shyǵýy. Respýblıkalyq arnalarda bul tanys kórinis bolýy múmkin. Biraq óńirlik deńgeıde Qazaqstanda alǵash ret eki tildi júrgizýshilerdiń jobasy dál Pavlodarda júzege asyryldy.
Baýyrjan Aıtqazınniń bastamasymen iske asyrylǵan negizgi ıdeıalardyń biri «ERTІS» ataýyn tanymal etý boldy. ıAǵnı, Qazaqstandaǵy eń iri ózen «Ertis» Pavlodardy qıyp ótetindikten, ózen ataýymen óńirdiń tarıhy, jergilikti ekonomıka men mádenıettiń damýy onymen tyǵyz baılanysty.
Sondyqtan Baýyrjan Aıtqazın «Ertis» ataýyn brendke aınaldyrý baǵytyndaǵy jumystardy belsendi túrde qolǵa aldy. Osylaısha, kórermen talǵamyna saı «ERTIS ınform», «ERTIS tańy» ataýyndaǵy baǵdarlamalar úzdiksiz efırge shyǵyp turdy.
«ERTIS tańy» baǵdarlamasy az ǵana ýaqyttyń ishinde erekshe tanymaldylyqqa ıe bolyp, Pavlodar oblysynan bólek Atyraý, Shymkent, Semeı, Almaty qalalary jáne Reseıdiń jaqyn óńirleriniń turǵyndary stýdııaǵa telefon arqyly qońyraý shalyp, alǵys pen qoldaý bildirdi. Osyndaı qarapaıym óńirlik baǵdarlamanyń qonaqtary Asanáli Áshimov, Roza Rymbaeva, Merýert Túsipbaeva, Sáýle Rahmedova, ıÝrıı Galtsev sııaqty tanymal tulǵalar boldy.
Sondaı-aq, «Aqparat salasynyń úzdigi» ataǵyna ıe bolǵan Ertis óńirine belgili jýrnalıst Gúljanat Imanǵazınanyń avtorlyǵymen telearna tarıhy, ardagerler men jumys istep júrgen qyzmetkerler týraly alǵash ret kitap-entsıklopedııa jaryqqa shyqty.
Bul óte aýqymdy jumys boldy. Kitaptyń betterin paraqtaı otyryp, ár oqyrman telearnanyń tarıhymen, onyń damýynyń negizgi kezeńderimen tanysa alady.
Osylaısha kásibı medıa maman Baýyrjan Aıtqazınniń tynymsyz eńbeginiń arqasynda telearna turǵyndar arasynda «Aımaqtyń basty telearnasy» atandy. Bul qurmetti ataq ta, kórermender aldyndaǵy úlken jaýapkershilik te, qajyrly eńbektiń nátıjesinde qol jetkizgen ustanym.
2017 jyldyń kúzinde telearna ujymyna Armenııa astanasy Erevanda TEFI-Áriptestik halyqaralyq festıvalinde medıa salasy qyzmetkerleriniń bedeldi kásibı qoǵamdastyǵynyń TEFI syılyǵy (músini) tabystaldy.
Sondaı-aq, Baýyrjan Aıtqazınniń tikeleı bastamasymen 2017 jyly telearna «ERTIS» ataýyna ıe boldy. Bul bastama Pavlodar oblysy turǵyndary tarapynan úlken qoldaýǵa ıe boldy.
Atalǵan jetistikterdiń bári úlken jumystyń nátıjesi ekeni sózsiz.
