«Ertis» fýtbol komandasyn 32 jastaǵy ıspandyq jattyqtyrmaq
ASTANA. QazAqparat - Búgin ıspandyq maman Hererd Nýs «Ertis» fýtbol komandasymen kelisimshart jasasty, dep habarlaıdy «SPORTINFORM» SAA.
Jas jattyqtyrýshynyń kandıdatýrasyn Pavlodar oblysynyń ákimdigi bekitti jáne taraptardyń yntymaqtastyǵy týraly kelisimge qol qoıyldy.
Eske sala keteıik, buǵan deıin agenttik «Ertis» klýbynyń basshylyǵy 32 jastaǵy ıspanııalyq maman Herard Nýspen kelissóz júrgizip kóretindigi habarlaǵan bolatyn .
Herard Nýs eshqashan fýtboldy kásibı deńgeıde oınap kórgen joq. Degenmen, ol bapkerlikke bet buryp, tamasha jetistikterge jetip úlgerdi. «Lıverpýlde» ataqty Rafael Benıtestiń qol astynda bolyp, aǵylshyn klýbynda túrli deńgeıdegi qyzmetterdi atqardy. Úsh jyldan keıin ol Ońtústik Koreıaǵa attanyp, «Chýnnam Dragons» klýby bas bapkeriniń kómekshisi bolyp istedi. Odan keıin Nýs alys Aýstralııanyń «Melbýrn Sıtı» komandasynyń bapkerlik shtabynda qyzmet etti. Arada biraz ýaqyt ótkennen keıin ol óz otany Barselonaǵa oralyp, ózge profıldi qyzmetke aýysty. Al, osydan eki jyl buryn «Elcheniń» tehnıkalyq dırektory retinde tanyldy. Ótken jyldyń tamyz ben qarasha aılary aralyǵynda NASL «Raıo»-OKS klýbynyń bas bapkeri boldy. Ispanııalyq sol jylda «Raıo-Valekano» komandasynda da tehnıkalyq dırektor bolyp taǵaıyndalǵan.
