«Ertis» fýtbol komandasy jańa bas bapker izdep jatyr
ASTANA. QazAqparat - «Ertis» basshylyǵy aldaǵy aıda komandaǵa jańa bas bapker taǵaıyndaýǵa májbúr, dep habarlaıdy «SPORTINFORM» SAA.
Pavlodarlyqtar bir aı buryn komandanyń burynǵy bapkeri Jerar Nýspen shartty resmı túrde toqtatty. Ispandyq maman klýbtan ketkennen keıin, onyń kómekshisi reseılik Dmıtrıı Kýznetsov bas bapkerdiń mindetin atqarýshy boldy. Sońǵy matchtarda «Ertis» týrnırlik kestede jaǵdaıdy qalpyna keltirse de, komandany jańa maman basqarady.
Qazaqstan Premer-Lıgasynyń reglamenti boıynsha, klýb eki aıdan kóp ýaqyt bas bapkersiz qala almaıdy. Al, Kýznetsovqa osy qyzmetke taǵaıyndalý úshin jáne komandanyń eýrokýbokqa qatysýy úshin PRO dárejesiniń lıtsenzııasy qajet. Klýb basshylyǵynyń osy máseleni sheshýge bir aıdan az ýaqyty qaldy.
Eske salaıyq, «Ertistiń» bas bapkeri qyzmetine bolgarlyq mamandar úmitker bolyp otyr.
