«Ertis» fýtbol klýbynyń qaryzy qansha

Pavlodar oblysy týrızm jáne sport basqarmasynyń basshysy Marat Aıdashev klýbqa qarjy quıýdyń komandanyń qazirgi jaǵdaıyn nege qutqara almaıtyny týraly egjeı-tegjeıli aıtyp berdi.

«Tipti biz Pavlodar oblysynyń Qurmetti azamaty Dımıtar Dımıtrovpen kelisetin bolsaq jáne ol bizge barlyq aqshany keshirgen jaǵdaıdyń ózinde jaǵdaı ózgermeıdi. Eger de bizdiń legıonerlerimiz bizge munyń bárin keshirip, ketip qalǵan kúnniń ózinde salyq boıynsha túsetin mıllıard teńgeden astam qarjy jelge ushady. Bul - is júzinde múmkin emes. Jáne olar salyqty demeýshilerden, barlyǵynan da jasyrdy. Salyq bereshegine keletin bolsaq, aýdıt nátıjeleri boıynsha tek 2019 jyly 940-950 mln teńge boldy, oǵan qosa qazir 200 mln teńge qaryz bar. Qazir mıllıardtan astam teńge, salyqshylar esepshottardy tutqyndap, klýb esebine túsetin barlyq qarjyny osy bereshekti óteý esebine tastap ketetinin aıtqym keledi» - deıdi Marat Aıdashev.

Eske salsaq, buǵan deıin biz Pavlodardyń «Ertis» klýby fýtboldan Qazaqstan chempıonatyna qatysýdan bas tartqany jáne klýbta qarjylaı qıynshylyqtar bar ekeni týraly habarlaǵan bolatynbyz.

Aıta ketsek, komanda 1965 jyly qurylǵan. Qazaqstan chempıonatynda 1993, 1997, 1999, 2002, 2003 jyldarda chempıon atansa, 1994, 1996, 2004, 2012 jyldarda kúmis júldeger boldy. Al 1992, 1998, 2000, 2008, 2010, 2016 jyldarda qola júldege qol sozdy.

«Ertis» bıylǵy chempıonatta eki oıyn ótkizdi. Aldymen Qyzylordada jergilikti «Qaısardan» 0:1 esebimen jeńilse, odan keıin óz alańynda Petropavldiń «Qyzyljar» klýbymen 1:1 esebimen teń tústi. Týrnır kestesinde 1 upaımen toǵyzynshy orynda turǵan bolatyn.