«Ertis» fýtbol klýbyna jańa basshy keldi
PAVLODAR. QazAqparat - «Ertis» fýtbol klýbyna jańa basshy taǵaıyndaldy, dep habarlaıdy QazAqparat.
Klýbtyń baspasóz qyzmetinen málim etkendeı, Pavlodar oblysy fýtbol federatsııasynyń prezıdenti Ulan Jazylbek 29 mamyr kúni «Ertis» ujymyna klýb dırektorynyń mindetin atqarýshy Torsyqbaev Ardaq Qaıyrlyulyn tanystyrdy.
A. Torsyqbaevtyń sport salasynda tájirıbesi mol. Ol sport mektebin basqaryp, birneshe jyl boıy Pavlodar oblysy dene shynyqtyrý jáne sport basqarmasy basshysynyń mindetin atqarǵan. Pavlodar qalasy dene shynyqtyrý jáne sport bóliminiń basshysy bolyp qyzmet etken. Sonymen qatar Pavlodar qalasy ákiminiń orynbasary, Pavlodar oblysy ákiminiń apparatynyń uıymdastyrý-ınspektorlyq bóliminiń basshysy boldy.
Aıta keteıik, buǵan deıin «Ertis» FK resmı saıtynda komandanyń burynǵy bas dırektory Janaıdar Dúısembaev qyzmetinen shettetilgeni habarlanǵan bolatyn.
Óńirdiń fýtbol klýby bıylǵy maýsymda úzdik úshtikke kirýge úmitti. Komandanyń quramyn da kúsheıtý kózdelgen.
