«Ertis» fýtbol klýbymen qosh aıtysatyn oıynshylardyń esimderi belgili boldy
ASTANA. QazAqparat - Pavlodarlyq «Ertis» fýtbol klýby oıynshylarynyń Túrkııadaǵy jıyndarynda bas jattyqtyrýshy Dmıtrıı Cheryshev qurama komandanyń oıynshylaryn iriktedi, dep jazady pavlodarnews.kz.
Qazirgi tańda bas jattyqtyrýshynyń kóńilinen shyqpaǵan sportshylardyń esimderi belgili boldy. «Ertis» komandasynyń sapynda oınamaıtyndar qatarynda qazaqstandyq Birjan Saǵyndyq pen Álibek Sákenov bar. Á. Sákenov jattyǵý kezinde jaraqat alyp, emdelýge elge oraldy. Fýtbolshy aýrýynan aıyǵyp, komandaǵa oralatynynan úmitti. Al B. Saǵyndyq komandanyń jattyqtyrýshy shtaby ókilderiniń kóńilinen shyqpaǵan kórinedi.
Sonymen qatar, eki sheteldik oıynshyǵa qatysty sheshim qabyldandy. «Ertistiń» jıynyna kelgen Horvatııanyń qorǵaýshysy, jas Renzo Redına «Verden» nemis komandasynyń ekinshi tobynda óner kórsetken. «Astana» quramasynyń sapynda oınaǵan 34 jasar chernogorlyq Dragan Bogavats ta D. Cheryshevti qyzyqtyrmady. Ol 26 matchqa qatysyp, 12 gol salǵan. Astanalyq komandada táp-táýir sheberlik tanytsa da, bul «ótken kúnniń elesi» syńaıly. - Alǵashqy jıyn oıynshylardy iriktep, komandany qalyptastyrý úshin qajet. Jańa jyldǵa deıin quramanyń 50-60% belgili bolady. qazirgi tańda oıynshylardy qarastyryp, kelissózder júrgizýdemiz. Úzdikterin tańdaımyz, -deıdi «Ertis» FK-nyń dırektory Igor Elaşýk.
