«Ertis» fýtbol klýby jańa quramyn jankúıerlerge tanystyrdy
Qazaqstannyń eń tıtýldy klýby, bes dúrkin el chempıondary bolǵan pavlodarlyq «Ertis» komandanyń jańa quramyn jankúıerlerge «Baıantaý» sport kesheninde tanystyrdy, dep habarlaıdy pavlodarnews.kz.
«Pentakampeondardyń» bıylǵy quramy ótken jylǵa qaraǵanda edáýir ózgeristerge ushyraǵan. Komandaǵa rýmynııalyq Adrıan Avramııa, Dorý Papadıýk, nıgerııalyq Fýad Salamı, belorýssııalyq Sergeı Kıslıak, ıspanııalyq Adrıan Gomez jáne qazaqstandyq fýtbolshylardan Almat Bekbaev, Mıdat Galbaev, Berik Aıtbaev, Maqsat Ámirhanov, Dmıtrıı Shmıdt, Rahymjan Rozybakıev, Vladımır Vomenko, Kırıll Shestakov kelip qosyldy. Ótken jylǵy oıynshylardan Rýslan Esimov, Serikbol Qapanov, Nıkıta Kalmykov, Aleksandr Kıslıtsın, Pavel Shabalın, Ilıa Kalının, Arman Smaılov, Mılosh Stamenkovıch pen Karlos Fonseka ǵana qaldy.
"Birinshi kezekte men qoldaýyn aıamaıtyn jankúıerlerge alǵys bildiremin. Biz úlken otbasyny quryp jatyrmyz. Jankúıerlersiz «Ertis» klýb emes! Fýtbol jaıly kóp aıtýǵa bolady, biraq, oqý-jattyǵý jıyndaryndaǵy daıyndyqty jasyl alańda kórsetemiz. Biz bıik belesterdi birge ǵana baǵyndyra alamyz"., - dedi bas bapker Jerard Nýs.
Aıta keteıik, komandanyń tanystyrý sharasyna Pavlodar oblysynyń ákimi Bolat Baqaýov arnaıy kelip qatysty. «Ertis» úshin 2018 jylǵy Premer-Lıga oıyndary 11 naýryz kúni «Atyraýǵa» qarsy kezdesýden bastalady. Oıyn Ortalyq stadıonda ótedi.
Eske salaıyq, Jerard Nýstyń shákirtteri 4-naýryz kúni ombylyq «Ertis» komandasymen joldastyq kezdesý ótkizedi.
Matchqa kirý tegin. Bastalýy: saǵat 15:00-de. 
