«Ertis» fýtbol klýby úzdik logotıpke baıqaý jarııalady
PAVLODAR. QazAqparat - Pavlodarlyq «Ertis» fýtbol klýby eń úzdik jańa logotıpti anyqtaý úshin shyǵarmashylyq baıqaý jarııalady, dep habarlaıdy QazAqparat tilshisi.
«Baıqaýdyń maqsaty - «Ertis» fýtbol klýbynyń ımıdjin jańartýǵa jáne tarıhyn tanytýǵa septigin tıgizetin jańa logotıpti usynatyn úzdik jobalardy anyqtaý», - dedi klýbtyń baspasóz qyzmetindegiler.
Belgili bolǵandaı, pavlodarlyq fýtbol klýbynyń keleshektegi jańa logotıpi kók jáne aq tústerden, klýbtyń ataýynan, komandany tanytatyn naqyshtar men áripterden, sondaı-aq, bes chempıondyq tıtýldar túrindegi jetistikterden turýy kerek.
«Logotıp erekshe, ózgelerge uqsamaıtyn bolsa deımiz. Bóten ıdeıalardy paıdalanýǵa qatań tyıym salynady», - dedi «Ertis» FK ókili.
Eskızder 10 tamyzǵa deıin qabyldanady. Baıqaý nátıjesi tamyz-qyrkúıek aılarynda jarııalanatyn bolady. Jeńimpazǵa 50 myń teńge kóleminde syıaqy jáne «Top Star Atrium» fıtnes klýbyna barýǵa bir jylǵa shekteýsiz abonement beriledi.
