«Ertis» fýtbol klýby el birinshiligin bas bapkersiz bastady
ASTANA. QazAqparat - «Ertistiń» bas bapkeri Dımıtar Dımıtrov Qazaqstan chempıonatynyń «Tobylǵa» qarsy ótetin 1-týr oıynyna barǵan joq, dep habarlaıdy QazAqparat «SPORTINFORM» SAA-ǵa silteme jasap.
Bolgarııalyq maman syrqatyna baılanysty Pavlodarda qalýǵa májbúr boldy. Tumaýmen aýyrǵan bapker komandasymen Qostanaıǵa bara alǵan joq. «Tobylǵa» qarsy syrt alańda ótetin oıynda onyń ornyna kómekshileri Georgıı Chılıkov pen Petar Kolev komandaǵa jetekshilik etedi. Aıtpaqshy, Chılıkov Qostanaımen jaqsy tanys deýge bolady. Ol 2009 jylǵy chempıonattyń alǵashqy aınalymyn qostanaılyq ujym sapynda ótkizgen bolatyn.
Eske sala keteıik, búgin Qazaqstan chempıonattarynyń 28-maýsymy bastalady. Qostanaıdaǵy jańa «Tobyl Arena» stadıonynda alań ıeleri «Ertisti» qabyldaıdy. Oıyn Astana ýaqytymen 17:00-de bastalady.
