«Ertis» fýtbol klýbynyń tizginin belarýstik maman ustady

ASTANA. KAZINFORM - «Ertis» fýtbol klýby komandanyń bas bapkeri bolyp qyzmetine Belarýs mamany Kırıll Alshevskıı taǵaıyndaldy.

Tájirıbeli maman ár jyldary «Rýh», «Lıepaıa», BATE, RÝOR, «Dınamo Mınsk» sekildi klýbtarda, sondaı-aq Belarýs jastar quramasynyń qurylymynda qyzmet atqardy.

Onyń basshylyǵymen borısovtik BATE ulttyq arenada chempıonattyń kúmis júldegeri jáne Belarýs kýbogynyń ıegeri boldy. Mamannyń sońǵy jumys orny Reseıdiń «Veles» (Máskeý) boldy.

Aıta ketsek, budan buryn pavlodarlyq komandada bas bapker bolǵan qazaqstandyq maman Rınat Alıýetov «Oqjetpes» klýbynyń tizginin ustady. 

Aıta ketsek, jyl basynan pavlodarlyq «Ertis» fýtbol komandasymen 10-ǵa jýyq oıynshy qosh aıtysqan. Sondaı-aq klýbtyń bas bapkeri men sporttyq dırektory da ornynan ketkeni belgili boldy. 

Atap aıtqanda, olardyń qatarynda Vladımır Vomenko, Nurǵaını Bóribaev, Ádilhan Dobaı, Mohammed Eńsebaev, Nuralı Elemes, Vladıslav Vasılev, Erkebulan Tuńǵyshbaev bar. Al Arman Keńesov, Mıram Kıikbaev pen Temirlan Tórebek jalǵa alý merzimi aıaqtalyp, óz klýbtaryna qaıtyp oraldy.