«Ertis» FK bas bapkeri qyzmetinen shettetildi
ASTANA. QazAqparat - Pavlodarlyq «Ertis» FK bas bapkeri Jerard Nýs qyzmetinen shettetildi. Bul jóninde búgin klýbtyń baspasóz qyzmeti resmı túrde málimdeme jasady, dep habarlaıdy pavlodarnews.kz.
«Eńbek kelisimin merzimnen buryn toqtatý jumystary júrip jatqandyqtan, Jerard Nýs komandanyń bas bapkeri qyzmetinen shettetildi», - deıdi baspasóz qyzmetinde. - Negizgi komandanyń bas bapkeri mindetin atqarýshy bolyp Dmıtrıı Kýznetsov taǵaıyndaldy».
Eske salaıyq, syrt alańda taldyqorǵandyq «Jetisýdan» jeńilgennen keıin birqatar respýblıkalyq BAQ ıspandyq mamannyń qyzmetinen ketetindigin jarysa jazǵan. Keıin «Ertis» FK ákimshiligi bul aqparatty joqqa shyǵarǵan.
Aıta keteıik, búgin «Ertis» óz alańynda almatylyq «Qaıratty» qabyldaıdy. Match saǵat 17:00-de bastalady.
