Ertis fılıaly qyzmetiniń tarıfy 1,5 paıyzǵa tómendedi
Tabıǵı monoplııalardy retteý komıtetiniń málimetinshe, bul ujym Pavlodar oblysynyń Maı aýdanyna sýdy magıstraldyq qubyr joldary arqyly berýdi júzege asyrady. Sonymen qatar tabıǵı monopolııa sýbektisi retinde zańnamaǵa saı bekitilgen tarıftik smetany oryndaýǵa mindetti.
«Fılıaldyń tarıftik smetasy týraly esebine júrgizilgen taldaý nátıjeleri 12,9 mln teńge somasynda bekitilgen tarıftik smetanyń shyǵyn baptarynyń oryndalmaýy anyqtaldy. Nátıjesinde, Tabıǵı monopolııalardy retteý komıtetiniń Pavlodar oblysy boıynsha departamenti «Ertis» fılıalynyń qyzmetterine bıylǵy 1 maýsymnan 2023 jylǵy 31 mamyrǵa deıin QQS-syz 116,22 teńge/m3 mólsherinde ýaqytsha ótemdik tarıf bekitti, onda tómendeý - 1,5 %-dy quraıdy», - delingen vedomstvonyń habarlamasynda.
Sonymen qatar, Sý resýrstary komıteti «Nura toptyq sý qubyry» RMK-ǵa qatysty 4 900 800 teńge mólsherinde ákimshilik aıyppul salýdy kózdeıtin «Ákimshilik quqyq buzýshylyq týraly» Kodekstiń 164-babynyń 4-bóligi boıynsha ákimshilik óndiris qozǵady. Ol ákimshilik quqyq buzýshylyq týraly hattama qaraý satysynda.
