Ertis boıynda balyq aýlap júrip joǵalyp ketken eki adam qutqaryldy
PAVLODAR OBLYSY. QazAqparat - Pavlodar oblysynyń Aqtoǵaı aýdanynda joǵalǵan balyqshylar qutqaryldy, dep habarlaıdy QazAqparat.
23 naýryzda 22 saǵat 40 mınýtta Pavlodar oblysy tótenshe jaǵdaılar departamentiniń «112» pýltine Aqtoǵaı aýdany Qaraoba aýylynda Ertis ózeniniń alqabynda balyqshylar joǵalyp ketkeni týraly habarlama kelip tústi.
Іzdeý jumysyna Aqtoǵaı aýdanynyń № 15 órt sóndirý bóliminiń jeke quramynan 5 adam, jergilikti atqarýshy organnan 2 adam jáne «102» qyzmetinen 1 adam shyqty.
Onyń barysynda Qaraoba aýylynan 12 shaqyrym jerde Ertis ózeniniń alqabynda 1981 jáne 1963 jyly týǵan eki balyqshy qutqaryldy.
№ 15 órt sóndirý bóliminiń qyzmetkerleri qutqarýshylar Qaıyr Beınbet jáne Saparǵalıev Aıdos balyqshylardyń qolynan demep, qozǵalýǵa kómektesti.
Azamattarǵa medıtsınalyq kómek qajet bolǵan joq.
