Ertis aýdanynda eki azamat zańsyz orman otap ustaldy
ASTANA. QazAqparat - Pavlodardaǵy ormandy qorǵaý jáne janýarlar memlekettik mekemesiniń dırektory Ajdar Júsipov Ertis orman alqabynan zańsyz orman otaǵan eki azamatty qolǵa túsirdi.
Kýágerdiń aıtýynsha, orman otaǵandar Pavlodar aýdany Zarıa aýylynyń 20 jasar turǵyndary bolyp shyqty. Olar urlaǵan aǵashty mototsıklge salǵan, dep habarlaıdy pavlodarnews.kz.
" Orman urylaryn aǵashty arnaıy qurylǵymen kesip jatqan jerinen kezdestirdik. Sodan keıin jigitterdi ońtústik polıtsııa bólimshesine tapsyrdyq. Qazaqstan Respýblıkasy «Orman aǵashyn joıý nemese zaqym keltirý týraly» kodeksiniń 340-baby boıynsha hattama toltyryldy. Jaǵdaıdy estigen jas jigitterdiń ata-ájeleri olar úshin keshirim surap, bosatýdy ótindi", - deıdi Ajdar Júsipov.
Mamandardyń aıtýynsha, ótken on aıdyń ishinde zańsyz aǵash urlaý boıynsha 22 jaǵdaı tirkelgen. Onyń 17-si quqyq qorǵaýshylardyń qolyna tústi.
