Ertis aýdanynda balyq aýlap júrgen 64 jastaǵy zeınetker ajal qushty
PAVLODAR. QazAqparat - Pavlodar oblysy Ertis aýdanynda balyq aýlaýǵa barǵan 64 jastaǵy zeınetker sýǵa batyp, kóz jumdy.
Bul týraly oblystyq TJD basqarmasynyń memlekettik til jáne aqparat toby málim etti, dep habarlaıdy pavlodarnews.kz .
«Ertis aýdanynda Yntymaq aýylynan tórt shaqyrym jerde 1953 jyly týǵan er adam sýǵa batyp ketken. Birneshe saǵattan soń kýágerler balyqshynyń denesin ózennen alyp shyqty», - deıdi olar.
Pavlodar oblystyq TJD ózen jaǵasyndaǵy qaýipsizdik sharalaryn saqtaý kerektigin eskertedi.
Eske sala keteıik, ótken aptada Ertis aýylynda sýdan ajal qushqan 64 jastaǵy er adamnyń máıiti tabylǵan bolatyn.
