«Ertis» 2019 jylǵa fýtbolshylardy iriktep jatyr
PAVLODAR. QazAqparat - Pavlodar oblysynyń basshylyǵy «Ertis» fýtbol klýbynyń aldyna týrnırlik kesteniń aldyńǵy «úshtiginde» bolý mindetin qoıdy, dep habarlaıdy QazAqparat tilshisi.
«Qazir fýtbolshylardy iriktep jatyrmyz. Bilesizder me, ótken jyly bizdiń bapkerimiz Dımıtar maýsym bastalǵan kezde onymen úsh jylǵa kelisimshartqa otyrý máselesin kóterdi. Biraq biz basqa sheshim qabyldadyq: ózge bapkerdi jaldadyq. Alaıda, onymyz durys bolmady», - dedi Pavlodar oblysynyń ákimi Bolat Baqaýov Óńirlik kommýnıkatsııalar qyzmetindegi baspasóz máslıhatynda.
Málim bolǵandaı, búginde «Ertis» fýtbol klýbynyń bıýdjeti 2 mlrd 450 mln teńgeni quraıdy. Jáne B.Baqaýov atap ótkendeı, bul - laıyqty qarjylandyrý, tek «durys oınap, jattyqtyrý qajet».
«Qazir «Ertis» Premer-Lıgada. Biz Dımıtardy qaıta shaqyrdyq. Biraq ol ázirge nátıje kórsete almady. ıAǵnı Dımıtar kelgennen keıin jáne alty fýtbolshy aýystyrylǵannan keıin de biz alty oıyn qatarynan jeńilip qaldyq. Búginde «Ertistiń» aldynda qaryz múldem joq. Biz qarjylandyrýǵa daıynbyz, ol boıynsha da bar másele sheshilgen. Qazir 2019 jylǵa fýtbolshylardy irikteýdi júrgizip jatyrmyz», - dedi aımaq basshysy.
Oblys basshylyǵy fýtbol klýbynyń aldyna týrnırlik kesteniń aldyńǵy «úshtiginde» bolý mindetin qoıyp otyr.
Avtory Anton Gagarın
