Erteńnen bastap Pavlodar oblysynda bilim ortalyqtary qaıta ashylady
PAVLODAR. QazAqparat - Pavlodar oblysynda bilim berý ortalyqtary men úıirmeler qaıta jumys isteı bastaıdy. Bul týraly QazAqparat tilshisi habarlaıdy.
Oblys ortalyǵynda bilim berý ortalyqtarynyń, úıirmelerdiń jáne mektepten tys qosymsha bilim berý obektileriniń qyzmetin qaıta bastaý týraly qaýly 2020 jylǵy 15 jeltoqsan saǵat 00.00-de kúshine enedi. Sáıkes qaýlylar Ekibastuz jáne Aqsý qalalarynda da qabyldandy.
Qazaqstanda koronavırýstyń taralýyna jol bermeý jónindegi VAK jumysynyń telegram kanalynda habarlanǵandaı, bundaı sheshim Pavlodar oblysynyń epıdemıologııalyq ahýaldy baǵalaý matrıtsasyna sáıkes «qyzyl» aımaqtan shyǵýyna baılanysty qabyldandy. Ótken táýlikte, 13 jeltoqsanda oblysta koronavırýstyq ınfektsııanyń 73 jańa jaǵdaıy tirkeldi.
Búgingi kúni COVID-19 ben aýyrý jaǵdaılarynyń turaqty tómendeýi baıqalýdy. Syrqattanýdyń shyńy 23-29 qarasha aralyǵynda oryn alǵan, ol kezde 795 jaǵdaı tirkelgen bolatyn (ósim 14,2 %). Sodan keıin tómendeý baıqaldy – 733 jaǵdaı (11,4 %) jáne sońǵy aptada 626 jaǵdaı tirkeldi (8,8%).
Eske salsaq, QR Densaýlyq saqtaý mınıstrligi Ulttyq qoǵamdyq densaýlyqty saqtaý ortalyǵynyń deregine sáıkes, buǵan deıin «qyzyl» aımaqta bolǵan Pavlodar oblysynda ahýal birshama turaqtaldy. Bul óńir «qyzyldan» «sary» aımaqqa ótti.
