Erteńnen bastap Ózbekstannan Mańǵystaý oblysyna qatynaıtyn poıyz jolǵa shyǵady

TAShKENT. KAZINFORM – 28 aqpannan bastap Qazaqstan men Ózbekstan arasynda qatynaıtyn jańa halyqaralyq jolaýshylar poıyzy jolǵa shyǵady, dep habarlaıdy Kazinform agenttiginiń menshikti tilshisi.

«Ýztemırıýllovchı» kompanııasynan málim etkendeı, №651/652 poıyzy «Núkis - Beıneý - Núkis» baǵyty boıynsha jolaýshy tasymaldaıdy. Ol aptasyna 2 ret, atap aıtqanda dúısenbi jáne juma kúnderi qatynaıdy.

Kompanııanyń deregine sáıkes, poıyz Núkisten saǵat 00:40-ta shyǵyp, Beıneý stantsııasyna 11:40-ta jetedi. Keri baǵytta Mańǵystaýdan 16:26-da jóneletin poıyz Qaraqalpaqstanǵa saǵat 03:35-te aıaldaıdy.

Eske salaıyq, búginde Qazaqstan men Ózbekstandy baılanystyratyn jańa temirjol jelisi salynyp jatyr. Ol 2027 jyly paıdalanýǵa beriledi.

Buǵan deıin Qazaqstan men Ózbekstan arasynda Jibek Joly týrıstik poıyzy qatynaı bastaǵanyn jazyp edik.