Erteńnen bastap qandaı mekemeler jumysyn bastaıdy

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev erteńnen bastap barlyq oblysta jumysyn qaıta bastaıtyn kásiporyndardyń tizimin jarııalady, dep habarlaıdy QazAqparat tilshisi.

«Memleket basshysy ekonomıkanyń keıbir sektoryndaǵy kásiporyndardyń jumysyn qalpyna keltirýdi tapsyrǵan edi. Erteńnen bastap barlyq oblysta jáne 1 mamyrdan bastap Shymkent qalasynda ónerkásip salasyndaǵy kásiporyndar, qurylys kompanııalary, kólik, qoıma jáne logıstıka salasyndaǵy kompanııalar, avtosalondar men STO-lar, ekinshi deńgeıli bankter, notarıýster men HQO-lar jumysyn bastaıdy», - dedi Dáýren Abaev «Habar 24» arnasyndaǵy onlaın baspasóz máslıhatynda.

Eske sala ketsek, QR Prezıdenti Qasym-Jomart Toqaev búgingi málimdemesinde tótenshe jaǵdaı rejımi bıylǵy 11 mamyrǵa deıin uzartylatynyn aıtty. Sonymen qatar 1 mamyrdan bastap elorda men Almaty arasynda áýe reısteri qaıta ashylatyn boldy.