Erteńnen bastap grantqa qujat qabyldaý bastalady
«Bıyl biz grantqa qujat qabyldaýdy eki túrli ádis arqyly júzege asyramyz. Birinshisi – ol Egov.kz elektrondyq úkimet portaly arqyly qabyldaý. Osy júıeniń kómegimen talapker óziniń qujattaryn júktep, joldaıdy. Keıin qajetti málimetter jınaqtalyp, bizdiń Ulttyq testileý ortalyǵynyń bazasyna túsedi. ıAǵnı, portal men ortalyqtyń aqparattyq júıesi ózara baılanysty bolady. Barlyq protses onlaın rejımde ótedi. Erteńnen bastap Egov.kz portalynda grantqa qujat qabyldaý boıynsha arnaıy qyzmet iske qosylady» - dedi Nurbek Saparqojaev tilshi saýalyna jaýap bere otyryp.
Spıkerdiń málimdeýinshe, eger portalda aqaý nemese ınternet sapasy nashar bolsa, onda talapkerler ózderiniń qujattaryn oqý ornynyń qabyldaý komıssııasyna aparyp, tapsyra alady.
«Qujat qabyldaýdyń ekinshi joly – joǵary oqý oryndarynyń qabyldaý komıssııasyna baryp, úırenshikti jolmen qujat tapsyrý. Ol da Ulttyq testileý ortalyǵynyń aqparttyq júıesi arqyly júzege asady. Biz keshe joǵary oqý oryndarynyń tehnakalyq hatshylary, tóraǵalarymen jınalys ótkizdik. Onyń barysynda túsindirý jumystary júrgizildi. Bul protseske barlyǵy daıyn dep oılaımyz», - dep málim etti Nurbek Saparqojaev.
Komıtet tóraǵasynyń orynbasary tehnıkalyq aqaýlar bolǵan jaǵdaıda, ony joıý boıynsha jumys isteıtin shtab qurylǵanyn málim etti.
«Biz arnaıy shtab qurdyq. Ol qandaı másele boıynsha kimge habarlasý kerek, qandaı olqylyqtar shyqty, degen suraqtarmen aınalysady. Shtabtyń baılanys nómirlerin joǵary oqý oryndarynda jumys isteıtin qabyldaý komıssııalaryna joldadyq. Olar bizben tikeleı baılanysta bolady», - dep túıindedi Nurbek Saparqojaev.
Spıkerdiń sózinshe, 13-20 shilde aralyǵynda talapkerlerden qujat qabyldanady.
Eske salaıyq, buǵan deıin grantqa túsýge qansha ball jetkilikti sanalatyny týraly jazyp edik.
