Erteńnen bastap FlyArystan reısterine áýejaıda tirkelgenińiz úshin aqy tóleısiz

ASTANA. QazAqparat - 3 tamyzdan bastap FlyArystan halyqaralyq reısterine tirkelý aqyly bolady, dep habarlaıdy QazAqparat kompanııaǵa silteme jasap.

FlyArystan reısterine áýejaıda tirkelý úshin aqsha tóleısiz. Bul qyzmetti aldyn ala satyp alsańyz — 5 000 teńge, ushar aldynda tóleseńiz — 10 000 teńge.

Al aldyn ala onlaın tirkelseńiz - tegin.

«Ýaqytyńyzdy únemdeńiz jáne az ýaqytta otyrǵyzý talonyńyzdy basyp shyǵaryńyz. 2023 jyldyń 3 tamyzynan bastap halyqaralyq reıster úshin áýejaıda tirkelý aqyly» dep eskertti kompanııa.

Eske sala keteıik, munyń aldynda FlyArystan-nyń Astana - Túrkistan reısi 15 saǵatqa keshigip ushqan bolatyn.