Erteńnen bastap elordada Sh.Beısekova kóshesinde jol qozǵalysy shekteledi
ASTANA. QazAqparat - Astanada 20 naýryz - 20 sáýir aralyǵynda jóndeý jumystaryna baılanysty Sh.Beısekova kóshesindegi kólik qozǵalysy shekteledi, dep habarlaıdy Astana qalasy ІІD Ákimshilik polıtsııa basqarmasynan.
Bul týraly elorda ákimdiginiń resmı saıtynda jazady. «20 naýryz - 20 sáýir aralyǵynda Qorǵaljyn tas jolynan bastap S. Seıfýllın kóshesine qaraı Sh.Beısekova kóshesi boıynsha qarama-qarsy baǵytqa qozǵalysty aýystyrýǵa baılanysty júretin jol shekteledi. Sh.Beısekova kóshesi arqyly sý ótetin temir betondy qubyrlardy ornatý jumystaryn aıaqtaýǵa baılanysty jol jabylatyn bolady»,- delingen habarlamada. Osyǵan oraı, vedomstvo kólik júrgizýshilerine joldarda keptelisterdi boldyrmaý maqsatynda marshrýtty aldyn ala josparlaýǵa keńes beredi. Sondaı-aq, júrgizýshilerdi aqparattandyrý úshin qajetti eskertý jáne tyıym salatyn jol belgileri qoıylatyn bolady.
