Erteńnen bastap elorda mańyna qatynaıtyn avtobýstar qaıta júre bastaıdy
NUR-SULTAN. QazAqpart – 17 tamyzdan bastap elorda mańyna qatynaıtyn avtobýs baǵdarlary qaıta iske qosylady, dep habarlaıdy QazAqparat.
«Erteń, 17 tamyz kúni qala mańyndaǵy baǵdarlardy shyǵaramyz. Avtobýstar 06:00-22:00 saǵat aralyǵynda júredi. Qoǵamdyq kólikke betperdesiz kirýge ruqsat etilmeıdi. Barlyq qala mańyndaǵy avtobýstarda dezınfektsııa júrgiziledi», - delingen CTS kompanııasy taratqan habarlamada.
Aıta ketsek, aldaǵy demalys kúnderi, ıaǵnı 22, 23 tamyzda Nur-Sultan qalasynyń Bas memlekettik sanıtarlyq dárigeriniń qaýlysyna sáıkes qoǵamdyq kólik júrmeıdi.
Eske salsaq, 17 tamyzdan bastap karantın sharalary kezeń-kezeńmen alynǵanymen Nur-Sultan qalasynyń turǵyndary birqatar talapty saqtaýy tıis. Atalǵan talaptar elordanyń bas memlekettik sanıtarlyq dárigeri Aıgúl Shaǵaltaevanyń qaýlysynda kórsetilgen.