Erteńnen bastap elorda emhanalary josparly qabyldaý men naýqastardy qaraýdy toqtatady
Atap aıtqanda: eresekter men balalardy profılaktıkalyq qabyldaý, onyń ishinde skrınıngter, josparly stomatologııalyq, ońaltý qyzmetteri, densaýlyq mektebi, medıtsınalyq-áleýmettik qoldaý, MÁS qujat rásimdeý, kúndizgi bólimniń jumysy, josparly túrde aýrýhanaǵa jatqyzýǵa joldama berý, táýlik boıǵy jáne kúndizgi statsıonar bar.
Mamandardyń josparly konsýltatsııalyq kómek kórsetýi onlaın formatqa aýystyrylady.
Dıspanserlik tirkeýde turǵan azamattarǵa qajetti retsept onlaın berilip, dári-dármek úıge deıin jetkizip beriledi. Halyqty vaktsınatsııalaý ekpeniń ulttyq kúntizbesi boıynsha josparly túrde júrgiziledi. Júkti áıelderdi qabyldaý, ÝDZ skrınıng júrgizý shtattyq rejımde qalady. Qala emhanalary tek shuǵyl jáne KVI belgileri bar naýqastardy ǵana qabyldaıdy.
Koronavırýstyń aýrý belgileri joq naýqastaryn emdeý úshin medıtsına qyzmetkerleri beıneqońyraý jáne baılanystyń basqa da arnalaryn paıdalaný arqyly konsýltatsııa ótkizetin bolady. Aýrý belgileri baıqalǵan boıda naýqastardy aýrýhanaǵa jatqyzady.
22 maýsymda qosymsha 200 oryndyq statsıonar daıyndaldy. Qajettilik týyndaǵan jaǵdaıda basqa da uıymdar statsıonar retinde beıimdeledi.