Erteń kún jartylaı tutylady

ASTANA. KAZINFORM — Senbi kúni Eýropanyń, Batys Afrıkanyń jáne Soltústik Azııanyń turǵyndary kúnniń jartylaı tutylýyn kóre alady, dep habarlaıdy Euronews. 

Eýropa, Batys Afrıka, Soltústik Azııa, AQSh-tyń soltústik-shyǵysy men Kanadanyń shyǵysyndaǵy turǵyndar kúnniń jartylaı tutylýyn kóre alady. Aıdyń kóleńkesi Kúndi jartylaı ǵana jaýyp, ol jarty aı tárizdi kórinedi.

Soltústik jáne Ońtústik Amerıkanyń basym bóliginde tutylý tań ata bolady. Batys Eýropa men Afrıkada — tańerteń, al Shyǵys Eýropa men Soltústik Azııada — tústen keıin bolady.

Monreal planetarııiniń ókili Aýrıan Egal: «Tutylý — bul Kún men Aıdyń sondaı-aq Jer kóleńkesi men jaryqtyń oıyny», — dep túsindiredi.

NASA málimetinshe, Kún men Aıdyń tutylýy jylyna tór pen jeti ret aralyǵynda bolady. Aıdyń Jerge qatysty orbıtasynyń qısaıýyna baılanysty bul tabıǵat qubylystary ádette jup bolyp keledi. Mysaly, naýryz aıynyń ortasynda Aıdyń tolyq tutylýy Aıdy qyzyl túske boıaıdy.  

Kún tutylǵan kezde ol baıaý jarty aıdyń kólemindeı kishireıedi. Onyń jaryǵy «óshiriledi». Eýropalyq Ońtústik observatorııasynyń qyzmetkeri Hýan Karlos Mýnos-Mateos: «Bul óte bultty kún sııaqty bolady», - dep túsindirdi.

Bul qubylysty kórý úshin kúnnen qorǵaıtyn kózildirik kııý kerek. Atalǵan ádemi kórinisti baqylaǵysy keletinder qarapaıym qolda bar materıaldan sańylaýlary bar proektor jasaı alady nemese dýrshlagty paıdalana alady. 

Qyrkúıek aıynda taǵy bir tolyq aı men kúnniń jartylaı tutylýyn kórýge bolady.

Eske sala keteıik, buǵan deıin kún betinde kúshti jarqyl bolǵanyn jazǵan bolatynbyz.