Erteńin oılaǵan eldiń maqsat-múddesi bir jerden shyqty - professor
ALMATY. 5 sáýir. QazAqparat /Ádilet Musahaev/ - Erteńin oılaǵan eldiń maqsat-múddesi bir jerden shyqty.
QR Prezıdentiniń kezekten tys saılaýyna kelgen halyq óziniń qalaýyn jasap, Qazaqstan halqy bir jaǵadan bas, bir jeńnen qol shyǵaryp, yntymaqtastyq pen tatýlyqtyń asqan úlgisin kórsetti. Bul jaıynda Ál-Farabı atyndaǵy Qazaq ulttyq ýnıversıteti shyǵystaný fakýltetiniń professory, aqyn Ótegen Kúmisbaev QazAqparat tilshisine óz pikirin bildirdi.
Professor erkin elimiz erteńimiz úshin tamasha tańdaý jasaǵandyǵyn aıtady. «Ózine sengen adamnyń qolynan kóp nárse keledi», - depti bir danyshpan adam. El aǵasy eń aldymen ózine, sosyn baryp eline sendi. Durys tańdaý eldi eshqashan adastyrmaıdy. El kemeldenýiniń eńseli baǵyty jańa bıikterge aparatynyna sheksiz de kámil senemiz. Yrys aldy - yntymaq edi, biz búkil dúnıe júzine yrysty, tatý, keleshegi zor halyq ekendigimizdi dáleldedik», -deıdi Ó.Kúmisbaev .
Sonymen qatar ol Elbasynyń bıylǵy halyqqa Joldaýynda Qazaqstan óz táýelsizdiginiń 20 jyldyǵynda kóptegen nátıjelerge qol jetkizgendigin atap ótkendigin aıtyp ótti. «Qazaqstannyń, qazaq halqynyń taǵdyry - Nursultan Ábishulynyń esimimen egiz. Halqynyń uly azamaty, perzenti, patrıoty jańa jarqyn jolǵa elin bastaı bermek. Elbasymyz kóshi myqty, keremet eldiń kemeńger uly Nursultan Ábishulymen birgemiz», - deıdi aqyn.
