Erteń jalpy otyrysta Májilis depýtattary birqatar zań jobalaryn talqyǵa salady
TANA. 13 qyrkúıek. QazAqparat - Erteń, 14 qyrkúıek kúni, Májilistiń jalpy otyrysy ótedi,
dep habarlaıdy QR Parlamentiniń baspasóz qyzmeti.
Májilis depýtattary Palata Bıýrosy usynǵan kún tártibine sáıkes máselelerdi talqyǵa salady.
«Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly» zań jobasy jóninde depýtattarǵa Qazaqstan Respýblıkasynyń Mádenıet mınıstri Muhtar Qul-Muhammed baıandap beredi. Palatanyń Áleýmettik-mádenı damý komıtetiniń múshesi Gúlnár Seıitmaǵanbetova zań jobasy týraly qosymsha túsinik beredi.
Sonymen qatar «2007 jylǵy 6 qazandaǵy Keden odaǵynyń komıssııasy týraly shartqa ózgerister men tolyqtyrýlar engizý týraly hattamany ratıfıkatsııalaý týraly» zań jobasy talqyǵa salynady. Bul joba týralyQazaqstan Respýblıkasy Syrtqy ister mınıstriniń orynbasary Qaırat Sarybaı baıandama jasaıdy. Halyqaralyq ister, qorǵanys jáne qaýipsizdik komıtetiniń múshesi Baǵıla Baımaǵambetova jumys tobynyń usynystary jóninde túsinik beredi.
Jalpy otyrystyń kún tártibine «Qazaqstan Respýblıkasynyń Úkimeti men Ispanııa Koroldiginiń Úkimeti arasyndaǵy Aýǵanstan Islam Respýblıkasyn turaqtandyrý men qalpyna keltirý jónindegi halyqaralyq kúsh-jigerlerge Ispanııa Koroldiginiń qatysýyna baılanysty áskerı múlikti jáne personaldy Qazaqstan Respýblıkasynyń aýmaǵy arqyly tranzıtteýdi qamtamasyz etý týraly kelisimdi ratıfıkatsııalaý týraly» Qazaqstan Respýblıkasy Zańynyń jobasy boıynsha qorytyndy ázirleý jónindegi másele de engizilgen.
