Erteń Zarechnyı turǵyn alabyndaǵy Elek ózeninen ótetin kópir ashylady
Aqtóbe oblysy ákimdiginiń málimetinshe, 22 qyrkúıekte Elek ózeni ústinen ótetin kópir jóndeý jumystaryna baılanysty ýaqytsha jabylyp, kólikter Sút zaýyty shaǵyn aýdanyndaǵy aınalma jol arqyly júrip jatqan bolatyn.
Búgin kópirdegi jóndeý jumysynyń barysyn Eraly Toǵjanovtyń ózi baryp kórdi. Qala ákimi Ashat Shaharov pen merdigerge tańǵa deıin kópir ústin tolyq tazalap, jol ústi syzbalaryn jasap, tańerteń ashýdy tapsyrdy.
Aıta keteıik, bul aǵymdaǵy jóndeý bolǵandyqtan, kópir ústindegi shuńqyrlar biteldi.
Kúzgi qubylmaly aýa raıyna baılanysty joldy tolyǵymen kúrdeli jóndeý múmkin emes. Júk kólikteri kóp qatynaıtyn mańyzy bar jol bolǵandyqtan, kópirdi uzaq ýaqytqa jabý jol qozǵalysyna keri áserin tıgizedi.
Kelesi jyly atalmysh jol tolyǵymen merdiger uıymmen kepildik mindettemeler sheńberinde kúrdeli jóndeýden ótedi.
