Erteń Ustazdar kúnine arnalǵan saltanatty sharalar ótedi
ASTANA. 3 qazan. QazAqparat - Qazan aıynyń alǵashqy jeksenbisinde jer betindegi eń ulaǵatty da uly mamandyq ıeleri - ustazdardy ulyqtaý merekesin atap ótý dástúrge aınaldy.
Bıyl da osy shara óz jalǵasyn tappaqshy. Astana ákimdiginiń málimetinshe, qala ákiminiń granttaryn tarsyrý saltanaty 4 qazanda saǵat 14-00 de ákimdik ǵımaratynda, al «Muǵalimder kúnine» arnalǵan saltanatty kesh saǵat 16.00-de Kongress Hollda ótedi.
2008 jyly ákimniń ókimimen jyl saıyn «Eń úzdik mektep» konkýrsyn ótkizý qolǵa alynǵanyn aıta ketýimiz kerek. 2011-2012 oqý jyly boıynsha «2012 jyldyń úzdik mektebi» nomınatsııasyna № 50 mektep-lıtseı ıe boldy. Mektepke Astana qalasy ákiminiń kýbogy men granty tapsyrylatyn bolady. Qalanyń on úzdik ustazyna turaqty negizde jalaqysyna 50 paıyz ústeme aqy qosylatyn bolady.
