Erteń Ulttyq lıgadaǵy voleıbolshy qyzdar aqtyq oıyndaryn ótkizedi
ALMATY. 25 jeltoqsan. QazAqparat - Almatyda voleıboldan Ulttyq lıgadaǵy áıelder komandalary arasynda HHІ Qazaqstan chempıonatynyń 2-shi týry ótip jatyr.
Onda taldyqorǵandyqtardy («Jetisý») ókshelep kele jatqan astanalyqtar ázirge upaı aıyrmasyn qysqarta alǵan joq. Qazir 6 oıynnyń qorytyndysy boıynsha «Jetisýda» - 17, «Astanada» - 12, «Ertis-Qazhromda» (Pavlodar) - 8, «Qaraǵandyda» - 6, «Almatyda» - 5 upaı bar. Taldyqorǵandyqtar búgin qaraǵandylyqtarmen, erteń almatylyqtarmen, al astanalyqtar búgin pavlodarlyqtarmen, erteń qaraǵandylyqtarmen aqtyq oıyndaryn ótkizedi.
Birde-bir oıynda jeńilis tappaǵan «Jetisý» týrnır kestesindegi kóshbasshylyq tizginde eshkimge berer emes. Eki týrda da olarǵa ese jibergen astanalyqtar bolsa ekinshi oryndy qanaǵat tutýda. Al qorjynyna bul joly birde-bir upaı qosa almaǵan almatylyqtar óz ornyn qaraǵandylyqtarǵa bosatyp, týrnır kestesinde sońǵy satyǵa túsip qaldy.
