Erteń Ýkraınanyń Lvov qalasyndaǵy Qazaqstan azamattaryn evakýatsııalaıdy
«Qurmetti Qazaqstan respýblıkasynyń azamattary! 2022 jylǵy 28 aqpan kúni tańerteń saǵat 09:30-da Qazaqstannyń Ýkraınadaǵy elshiliginen Lvov qalasyndaǵy qazaqstandyqtardy evakýatsııalaý úshin avtobýs jiberiledi», - dep jazylǵan elshiliktiń Telegram paraqshasynda.
Habarlamada aıtylǵandaı, avtobýsqa 50 syıady.
Elshiliktiń mekenjaıy ıÝ.Ilenko kóshesi 26, baılanys telefondary +38 (044) 483-15-96, +38 (067) 347-04-08
«Mańyzdy aqparattardy Qazaqstannyń Ýkraınadaǵy elshiliginiń áleýmettik jeli jáne messendjerlerdegi paraqshasynan bile alasyzdar. Instagram – kazenbukr, Feısbýk – KazEmbassyUkr», - deıdi elshilikten.
Buǵan deıin QR Syrtqy ister mınıstrliginiń resmı ókili Aıbek Smadııarov Ýkraına shekarasynda turǵan qazaqstandyqtardyń jartysy Polshaǵa jetkeni týraly habarlaǵan edi.
Odan bólek, Ýkraınada qazaqstandyq 50 aýyr júk kóligi júrgizýshisiniń ornalasqan jeri belgili boldy.