Erteń Úkimet otyrysynda jeke turǵyn úı qurylysy men aýyl sharýashylyǵy qajettiligi úshin bólingen jer telimderin túgendeý máselesi qaralady
ASTANA. 18 qarasha. QazAqparat - Úkimet otyrysynda jeke turǵyn úı qurylysy men aýyl sharýashylyǵy qajettiligi úshin bólingen jer telimderin túgendeý máselesi qaralady. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«Erteń, Premer-Mınıstr Serik Ahmetovtiń tóraǵalyǵymen ótetin Úkimet otyrysynda jeke turǵyn úı qurylysy men aýyl sharýashylyǵy qajettiligi úshin bólingen jer telimderin túgendeý máselesi qaralady», - dedi ol.
Onyń aıtýynsha, atalǵan másele boıynsha QR Óńirlik damý mınıstri Bolat Jámishev baıandama jasaıdy. Sonymen qatar ol osy jıyn barysynda «Aqbulaq» baǵdarlamasynyń iske asyrylýy jaıyna da keńinen toqtalady.
«Jalpy, Úkimet otyrysynda Qorshaǵan orta jáne sý resýrstary mınıstri Nurlan Qapparov pen birqatar oblystyń ákimderi de sóz alady»,-dedi resmı ókil.
