Erteń Úkimet otyrysynda normatıvtik quqyqtyq aktilerdiń jobalary qaralady
ASTANA. 16 qyrkúıek. QazAqparat - Erteń, 17 qyrkúıek kúni QR Úkimeti otyrysynda Premer-Mınıstr Serik Ahmetovtiń tóraǵalyǵymen qurylys salasynyń normatıvtik bazasyn reformalaý, sondaı-aq tabıǵı resýrstardy tıimdi basqarý jáne shıkizattyq sektordan kiristerdi paıdalaný máseleleri boıynsha normatıvtik quqyqtyq aktilerdiń jobalaryn talqylaý josparlanǵan, dep jazady primeminister.kz.
Osylaısha, Úkimet otyrysynda «Qazaqstan Respýblıkasynyń qurylys salasynyń normatıvtik bazasyn reformalaý boıynsha Tujyrymdamany bekitý týraly» Úkimettiń qaýly jobasy qaralady. Atalǵan másele boıynsha óńirlik damý vıtse-mınıstri Serik Nokın baıandama jasaıdy.
Sonymen qatar, munaı jáne gaz mınıstri Uzaqbaı Qarabalın «Qazaqstan Respýblıkasynyń tabıǵı resýrstaryn tıimdi basqarý jáne shıkizattyq sektorynan kiristerdi paıdalaný Tujyrymdamasyn bekitý týraly» Prezıdent Jarlyǵynyń jobasy týraly másele boıynsha baıandama jasaıdy.
