Erteń Úkimet otyrysynda gaz baǵasyn belgileý máseleleri men azamattyq avıatsııanyń qazirgi jaǵdaıy talqylanady - OKQ
ASTANA. QazAqparat - Erteń Úkimet otyrysynda gaz baǵasyn belgileý máselelerin qarastyrý josparlanýda. Osy oraıda QR Munaı jáne gaz mınıstri Uzaqbaı Qarabalın baıandama jasaıdy.
Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málimdedi.
Onyń aıtýynsha, sonymen qatar, Úkimet otyrysynda Kólik jáne kommýnıkatsııalar mınıstri Asqar Jumaǵalıev azamattyq avıatsııanyń qazirgi jaǵdaıy jáne IKAO talaptary aıasynda onyń aldaǵy damýynyń baǵyttary jaıly baıandaıdy.
