Erteń Úkimet otyrysynda bilim jáne ǵylym máseleleri qaralmaq

ASTANA. 28 qazan. QazAqparat - Erteń Premer-Mınıstr Serik Ahmetovtiń tóraǵalyǵymen ótetin Úkimettiń dástúrli otyrysynda bilim jáne ǵylym máseleleri qaralady. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«Úkimet otyrysynda bilim jáne ǵylym salasyndaǵy basymdyqtar, sondaı-aq 2014 jyly Úkimet tarapynan josparlanyp otyrǵan zań jobalar jospary jáne zań jobalaý jumystarynyń 2015-2016 jyldarǵa arnalǵan perspektıvalyq jobalary basty nazarda bolady», - dedi resmı ókil. Onyń sózine qaraǵanda, osy máseleler tóńireginde QR Bilim jáne ǵylym mınıstri Aslan Sárinjipov pen Ádilet mınıstri Berik Imashev baıandama jasaıtyn bolady.