Erteń Úkimet otyrysynda astyq jınaý naýqanynyń qorytyndylary men jol qaýipsizdigi máselesi talqylanady
ASTANA. 11 qarasha. QazAqparat - 12 qarashada QR Premer-mınıstri Serik Ahmetovtiń tóraǵalyǵymen ótetin Úkimettiń otyrysynda eldegi astyq jınaý naýqanynyń qorytyndylary, Úkimettiń ókpe aýrýymen kúres jáne jol qozǵalysyndaǵy qaýipsizdikti qamtamasyz etý máseleleri qaralady. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«Aýyl sharýashylyǵy mınıstri Asyljan Mamytbekov astyq jınaý qorytyndylary men astyq naryǵyndaǵy jaǵdaılar týraly baıandaıdy. Sonymen qatar QR Densaýlyq saqtaý mınıstri Salıdat Qaıyrbekova 2014-2020 jyldarǵa arnalǵan "Týberkýlezben kúres jónindegi keshendi jospardy usynady»,-dedi resmı ókil. Ózderińizge belgili, Memleket Basshysy 11 qazandaǵy Úkimettiń keńeıtilgen otyrysynda Qazaqstandaǵy jol-kólik oqıǵalary saldarynan bolatyn adam óliminiń joǵary deńgeıin erekshe atap ótip, jol qozǵalysy qaýipsizdigin qamtamasyz etýdegi jaýapkershilikti kúsheıtýdi tapsyrǵan bolatyn. Osyǵan oraı, QR Іshki ister mınıstri Qalmuhanbet Qasymov Úkimettiń otyrysynda eldegi jol qozǵalysy qaýipsizdigin qamtamasyz etý boıynsha qabyldanǵan sharalar týraly habarlaıdy.
