Erteń Úkimet otyrysynda «Agrobıznes-2020» baǵdarlamasy qaralady

ASTANA. 12 tamyz. QazAqparat - Erteń, 13 tamyz kúni Úkimet otyrysynda Premer-Mınıstr Serik Ahmetovtiń tóraǵalyǵymen «Agrobıznes-2020» agroónerkásiptik keshenin damytý baǵdarlamasy qaralady, dep habarlaıdy premierminister.kz saıty.

Aýyl sharýashylyq mınıstri Asyljan Mamytbekov baıandama jasaıdy. Aýyl sharýashylyq mınıstri aýyl sharýashylyq ónimin óńdeý sektoryn júzege asyrý boıynsha qoldanylatyn sharalar týraly aıtyp beredi.

Budan ózge, Úkimet músheleri AÓK salasynda áleýmettik-kásipkerlik qyzmet máselelerin qaraıdy. Aýyl sharýashylyq mınıstrliginiń, Óńirlik damý mınıstrliginiń basshylary jáne oblystardyń, Astana men Almaty qalalarynyń ákimderi baıandama jasaıdy.