Erteń Silk Way Star jobasynyń jartylaı fınaly ótedi
ASTANA. KAZINFORM - Jibek Joly telearnasynda Silk Way Star jobasynyń toǵyzynshy epızody shyǵady. Bul mýzykalyq baıqaýdyń jartylaı fınaly, ıaǵnı ártister úshin eń jaýapty kezeń.
Osy shyǵarylymda baıqaýǵa qatysýshylardy erekshe synaq kútip tur. Olar sahnaǵa Qazaqstannyń estrada juldyzdarymen birge shyǵady. Belýchchı, AZ, Ardaq Balajanova, Jarqynaı Hanaıym sııaqty belgili ártistermen dýet kezinde olar óz ónerindegi erekshelikti kórsetip qana qoımaı, shaqyrylǵan ánshiniń stılimen úndesýi kerek bolady.
Aıta keteıik, ótken epızodta malaızııalyq ıAzmın Azız úzdik shyqqan bolatyn. Ekinshi orynda Armenııa ókili Saro Gevorgıan tur. Úzdik úshtikti qytaılyq Chjan Hesıýan túıindedi.
Baıqaýdan úmitin tájikstandyq Fahrıddın Hakımov úzip ala jazdady. Ol qytaılyq ádilqazylar alqasynyń vetony qoldanýynyń arqasynda jobada qaldy. Osylaısha, baıqaýdy uıymdastyrýshy elder - Qazaqstan men Qytaı veto quqyǵynan aıyryldy.
Al baıqaýda barlyǵy 8 ónerpaz qaldy. «Jibek Joly juldyzy» jaqynda anyqtalady. Epızodtyń aıaqtalýyna eki kún qaldy. Ártisterdi qandaı qoıylymdar alyp shyǵady, al kimderge jobadan ketý kerek bolady ? Buny ár senbi saıyn Jibek Joly telearnasynan saǵat 20:00-de kórseńiz bolady.
Osyǵan deıin Silk Way Star halyqaralyq vokaldyq jobasynan kimderdiń ketkeni týraly jazdyq.