Erteń Shymkentte qazaqstandyq taýar óndirýshiler Irannan kelgen satyp alýshylarmen kezdesedi

 ASTANA. Jeltoqsannyń 12-i. QazAqparat /Aıdar Ospanalıev/ - Jeltoqsannyń  13-i kúni Shymkentte «Eskportty ótkizý jáne damytý jónindegi «Kaznex» korporatsııasy» aktsıonerlik qoǵamy men Indýstrııa jáne saýda mınıstrliginiń uıymdastyrýymen qazaqstandyq taýar óndirýshilerdiń Irannan kelgen satyp alýshylarmen kezdesýi ótedi,

dep habarlaıdy QazAqparat.

 Iran tarapy aýyl sharýashylyǵy, qurylys materıaldaryn shyǵarý, tamaq jáne hımııa ónerkásibi, saýda jáne satyp alýy sııaqty salalar boıynsha qyzmet kórsetetin bas-aıaǵy 120 kompanııa ókilderimen keledi.

 Kezdesýde Qazaqstan tarapyn Indýstrııa jáne saýda mınıstri Áset Isekeshov, al Iran tarapyn Saýda mınıstri Gazanfarı myrza basqarady. Iran tarapy qazaqstandyq astyq pen metall ónimderi,  maqtadan daıyndalǵan taýarlar men men daıyn kúıdegi taǵam ónimderine, sondaı-aq kondıterlik taýarlar men sýsyndarǵa, birqatar hımııalyq taýar túrlerine jáne ózge de  qazaqstandyq ónimderge qyzyǵýshylyq tanytyp otyr.

 Kezdesý «Satýshy-tutynýshy» kelissózderi túrinde uıymdastyrylady.